གསལ་བསྒྲགས།
འདི་ལོར་རིམས་ནད་ཀྱི་རྐྱེན་པས་སྔར་རྒྱུན་བཞིན་གནས་མཆོག་རྡོ་རྗེ་གདན་དུ་བཀའ་བརྒྱུད་ དགུན་ཆོས་ཚོགས་ཐབས་མ་བྱུང་ཡང་། ༧རྒྱལ་དབང་མཆོག་དང་བཤད་གྲྭ་ཁག་གི་མཁན་སློབ་ རྣམ་པ་ཞལ་གྲོས་མཛད་ནས་བཀའ་བརྒྱུད་དགུན་ཆོས་འཕར་མ་ཞིག་བཤད་གྲྭ་ཁག་སོ་སོར་དུས་ མཉམ་དུ་ཚོགས་གཏན་ཁེལ་བ་དང་། དེ་ཡང་སྤྱི་ཟླ་ ༡ ཚེས་༢༣ ནས་སྤྱི་ཟླ་༢ ཚེས་ ༨ བར་ཉིན་ བཅུ་བདུན་འཚོག་རྒྱུ་དང་། ད་རེས་དམིགས་བསལ་༧རྒྱལ་དབང་བཅུ་བདུན་པ་མཆོག་ནས་ སེམས་ཙམ་སུམ་ཅུ་པའི་ཚིག་ལེའུར་བྱས་པའི་ཐོག་ནས་གསུང་ཆོས་སྩལ་རྒྱུ་ཡིན་པས་དོན་ གཉེར་ཅན་རྣམས་ནས་ངེས་པར་དགོངས་འཇགས་ཞུ། གསུང་ཆོས་ཀྱི་ཞིབ་ཕྲའི་དུས་ཚོད་ མགྱོགས་མྱུར་གསལ་བསྒྲགས་ཞུ་རྒྱུ་ཡིན། ཞེས་སྤྱི་ལོ་༢༠༢༡ ལོའི་ཟླ་བ་ ༡༢ ཚེས་ ༢༡ ཉིན་གདན་ས་ཟུར་མང་བཀའ་བརྒྱུད་དགུན་ཆོས་གོ་སྒྲིག་ཚོགས་ཆུང་ནས་ཕུལ།